“Musquy” en Musuq Illa: Digital Quechua Poetry Collective

Ñawinchay, mayqin simipi: castellano English

Harawiq: Pablo Landeo Muñoz Llaqta: Denver Liwrumanta: Landeo Muñoz, Pablo. "Musquy". En Musuq Illa: Digital Quechua Poetry Collective. 21 de septiembre, 2023. https://staging.musuqilla.info/harawikuna-qulqakuna/musquy/. Qillqasqa: Musuq Illa: Digital Quechua Poetry CollectiveWata:2023Iditur/a (Qillqaq tupachiq):Alison Krögel Llaqta: Denver Liwrumanta: Landeo Muñoz, Pablo. "Musquy". En Musuq Illa: Digital Quechua Poetry Collective. 21 de septiembre, 2023. https://staging.musuqilla.info/harawikuna-qulqakuna/musquy/. Akllay: Liwrukuna/Qillqakuna

Wakin harawikuna, kikillan harawiq

Chirikuq wasi punkupi
qamya tantata mikuchkaspaymi
warmallaraq kaspay
churmichawaq musquyta yuyarirqani:
“Mayu… yuraq pusuquykihina
muyurispa muyurispa
qanwan kuskalla chinkakuyman…
Wayra… yanayasqa alambrehina
sukarispa sukarispa
yupillaypas ripukunman…”

“Beee! Beeee! Beeee!”

Wakchaschay chitaschay:
Wakcha kananchiktaqa
manamá yachakurqanchikchu.
Anchuykamuy asuykamuy
qanwanqa tantapas icha miskinman.

“Beee! Beeee! Beeee!”

Wakchaschay chitaschay:
Tinyachallaypa sunqunpas
kunanqa rumiyarqunñam…
Qipa urqukunapipas
ritisqa ñanllañam waqapakuchkan.

Mitmaq

harawiq:Pablo Landeo Muñoz

Purini purinki purinchik…
runa tiyasqan pachamanqa
puriqllam hamurqanchik.

Llullu wiqinchikmantaraqmi
kunununuq ninapa qapariyninpi
musquyninchikpa iklliriq takinpi
puriyta qallarirqanchik.

Purisun, purisunhinalla.
Samananchik punchawqa…
La mar-qucha patanpi
aqullam suyawachkanchik.

Uwiha michiyqa manam quyllurkuna qatiyllachu

harawiq:Pablo Landeo Muñoz

Sunquykipi achita machqisqallaymi
millqayniykipi quyllurkuna llipipiqllam
uwihachanchikkunaqa.

Puyu-puyu anqas pampallapim
quri-qullqi qucha sichpallanpim
michirikuchkanku
wayralla waspilla
hanaqpachamanta uraykamuspanku.

Musquyninchikqa pantachikuqmi…
Karu llaqtakunapi uwiha michipakuyqa
manam quyllurkuna qatiyllachu.

“Uwiha michiyqa manam quyllurkuna qatiyllachu” en The Aspen Archives: Exhibición digital

harawiq:Pablo Landeo Muñoz

Warmi

harawiq:Pablo Landeo Muñoz

Imaymana rurukunapa sunqunmi kanki
challwapa challwa kaynin
mana riqsisqa kanchikunapa qallariynin.

Ruruykim kani samayniykiwanmi purichkani
chaynallam kanqa kaypacha tukuptinpas.

Nanasqa makillaykiwan aytuykuspa
millqayniykipi siriykachiy chinkasqa wawaykita.

¹“Indias”, de José Clemente Orozco, en la exposición “MEXIQUE-1900-1950”, que se realizó entre 2016-2017, en el Grand Palais, de París. Al hallarme con este cuadro, quedé sin argumentos, estremecido con tanta belleza, amor y dolor. Me dio la impresión de que la imagen de la mujer del primer plano y yo andábamos buscándonos desde nuestros orígenes para hallarnos precisamente allí. Habíamos recorrido caminos desconocidos, habíamos sufrido tanto, para encontrarnos aquel día. Hasta entonces tenía escrito uno que otro poema en quechua pero con traducciones libres al español o intercalando estrofas en español como en el poema “Invocación de Aqaymarka Apu”. Este encuentro fue iluminador. Súbitamente sentí la necesidad de descargar la emoción del encuentro en un poema que se hicieron poemas. El resultado es un breve corpus de poesía quechua inédito y sin traducción. “Warmi”, proviene de ese corpus. Los chinli harawi (variaciones de haiku) son de reciente creación y responden a la necesidad de renovar la poesía quechua y a su vez de enriquecerla. Tanto “Warmi” como los chinlikuna fueron escritos en París. “Invocación de Aqaymarka Apu” corresponde a un libro inédito de los noventas.

“Musquy” en Musuq Illa: Digital Quechua Poetry Collective

Wakin harawikuna, kikillan harawiq

Kikillan harawikuna